尋晚同老婆去左勝利道一間叫 Cafe Cat Kitchen 既上樓 cafe 坐下飲野。
係樓下見到個招牌同個名以為好似亞貓地攤咁玩貓既，點知上到去見唔到貓，反而有三隻狗，都係 d 細細隻既狗仔，種類我就唔識分啦，不過都好好玩。有個女人係度教另一個女人訓練隻狗，睇佢頭頭是道，我諗都學左好耐。
呢隻就係其中一隻狗啦，佢叫 mickey，佢好乖又唔怕人，最搞笑係我地食野個陣佢成日走埋我地腳邊想我地俾野佢食，不過我地都無俾到....
睇下佢望住我老婆食野個樣....
講番野食，我地食左份蝦多士同一個 tiramizu，飲左杯果汁特飲，味道不過不失，不過價錢都幾貴，一杯野都廿幾三十蚊。
臨走，訓練狗個女人(叫 Rosanne)走埋黎問我地有無興趣做義工，仲問我地拎電話添，我當然係乖乖地咁......叫老婆俾個電話佢啦~
沒有留言:
發佈留言