電影節(第七回)

諜戰911
(A Few Days in September)

導演:	S. 阿米哥連拿
國家:	法國
年份:	2006
色彩:	彩色
片長:	110 分鐘
字幕:	中文字幕

今年有意無意睇左不少戲都係針對美國，《本片尚未分級》，《美國 vs 約翰連儂》，同埋呢套《諜戰911》。

故事其實好直接，以 911 為題材的間諜片，睇到中段其實已經可以估到結局。吸引人看到尾既係一個看倌已知既秘密，當然仲有 Juliette Binoche。印象中好似無睇過佢做呢類角色，做出來除左有 d 師奶味，其實不太似一個特務，反而似一個有型既偵探多 d。

套片用 911 做背景，講 911 前幾日，Binoche 帶住舊拍檔一對兄妹(其實無血緣關係)，一邊逃避殺手追殺，一邊嘗試同身負重大秘密既舊拍檔會合。其實主旨係諷刺美國人，美國政府，同玩轉國際陰謀。兩兄妹大佬係美國人，細妹係討厭美國既法國人，大佬一 d 生活細節都顯出美國人既利己心態，一段細妹數臭美國人同美國主義更加令人拍手叫好。片中老豆既工作係周遊列國做挑撥離間，引起事端，故事就話波斯灣戰爭係佢受到美國某一派指示而挑釁薩達姆引起。

到結局都無說明究竟老豆帶住既秘密係乜，但係難免令人聯想到，究竟 911 其實係咪都係美國某一派人為左自己利益而引發，還是......美國人其實係咎由自取？