電影節(第一回)

本片尚未分級
(This Film is not yet Rated)

導演:	科比．迪克
國家:	美國
年份:	2006
色彩:	彩色
片長:	97 分鐘

前日(28/3)去睇左呢場戲，真係好睇過今日睇真D。

香港有電檢處(「影視及娛樂事務管理處」分部之一)幫電影分級，美國就有 MPAA - Motion Picture Association of America。美國電影唔只分三級，係分做 G、PG、PG-13、R、NC-17 咁多級(有興趣可以去呢度睇下點解: http://www.mpaa.org/FlmRat_Ratings.asp)。去到最高級別 NC-17 就等於香港既 III 級，17 歲及以下都不准觀看。

MPAA 入面為電影評級既所有委員，身份都係保密既。點解？為左避免佢地受到壓力喎。

導演為左揭開呢班神秘評級員既真面目，請左私家偵探幫手跟蹤偷拍，務求將所有神秘人身份一一揭開。到頭發現所有評級員身份背境都同 MPAA 對外宣稱所謂都係「一般有小孩既家長」不同。後段更使出一招拋磚引玉，將套片送檢，當然俾人整個 NC-17，但係真正目的原來係為左去上訴，順便睇埋上訴委員會既真面目。

今日就睇真D 話你知：原來美國電檢傾向容不下女性和同性性愛描寫，更深於暴力場面，有辱國體既一樣唔准亂出街。大公司製作又可以有得通融，更驚奇既係上訴委員居然全部係美國大電影公司既人，個 d 公司又全部屬於美國幾間最大傳媒機構。

美國經常號稱自由國家，事實係識得話人唔識得話自己，各方面制肘多多，大國民教育有聲有色，布殊大總統更加鍾意做全世界大佬。唔怪得亞美利堅越來越乞我憎。

下次去睇美片個陣，可能要考慮過濾下 d 內容，話唔定又係一套樣板戲。

好期待下星期去睇《美國 vs 約翰連儂》。

下回：1/4 《立喰師列傳》，《惡童》

Website: http://ifc.com/films?aId=18019

Trailer:


This Film Is Not Yet Rated: What do the MPAA ratings mean?: