電影節(第三回+第四回)

今次兩套都係老婆揀既，有左上屆《結果》既教訓，今次都係無乜期望咁去睇，事實都證明左我係正確既....

今次兩套片有樣野幾相似，就係兩套片鏡頭運用處理俾我感覺好似用 DV 機拍出來咁，換句話說，你都做得到架~
一﹏一

第三回 (3/4)

沙灘上的女人

導演:	洪尚秀
國家:	南韓
年份:	2006
色彩:	彩色
片長:	128 分鐘

我無試過 ons...不果如果你問我，我會話呢套片係講一個男人走去 ons，第二朝訓醒又接受唔到，但係又想再試既故事。

男的係一個離左婚既導演，原因係因為發現左又接受唔到老婆結婚前曾經同自己朋友上床。女的係個曾經出國讀書，有點仰慕導演才華既女仔。同大導演一夜風流過後，想進一步發展，但係千錯萬錯，就錯在佢話俾導聽自己係外國個陣曾經同老外交往(甚至上床)。大導演驚接受唔到再受情傷，但係又對人念念不忘，結果走番去最初見個女仔既沙灘，再溝另一個(佢覺得)同女仔好相似既女人(題外話：最初以為呢個"女人"大過個"女仔"，結果 turns out 係掉轉...一﹏一")，到手之際點知俾個女仔返來搵佢撞破好事...兜兜轉轉以為有望發展，點知個女仔以為大導演同新相好曾經趁佢醉係佢身上面行過，覺得接受唔到...

結論：ons 都係無疾而終既多？

第四回(4/4)

當我們同在一起

導演:	李添興
國家:	馬來西亞
年份:	2006
色彩:	彩色
片長:	93 分鐘

一對男女拍拖會做 d 乜？我覺得就係呢套片想講既野。唔好咁易俾段簡介呃左...

成套片就係影住對男女拍拖一日既過程，有開心有唔開心，有好野有衰野(仲爭 d 有咸野)。背後講既係男女感情關係。戀愛包含 d 乜？開心快樂滿足之餘，有欺騙背叛懷疑妒嫉，七情六慾濃縮係一日之內。

原來男既有妻兒子女，女既又另外有"好朋友"，仲未完，男既仲偶爾會食下快餐添。

這就是戀愛，問你怕未。