尋日(1/4)去睇左兩套動畫，入場既大部份都係年青人，搞到自己都好似後生左...呵呵~ (發癲中)
第一場放工趕過去，去到入場坐底剛好開場~ 睇完過葵青，去到未入得場，已經有差唔多百幾人係門口排隊....
立喰師列傳
(TACHIGUI: The Amazing Lives of the Fast Food Grifters)
| 導演: | 押井守 |
| 國家: | 日本 |
| 年份: | 2006 |
| 色彩: | 彩色 |
| 片長: | 104 分鐘 |
  |
吸引原因之一：
原作+編劇+導演=押井守
真正開始迷上押井守，係睇完兩套機動警察劇場版之後。去到攻殼機動隊個畫面同劇情壓迫感更加令人震撼。今次玩記錄片，唔留心真係當左記錄片睇，傳奇「立喰師」傳說講到如幻似真。所謂「立喰師」，就係專門去 d 企係度食野既食店，食霸王餐既人！不過佢地唔係一般食霸王餐既人，而係技巧高超既高手，高超到成為傳說！由戰後到近代既立喰師傳說，就係呢套「記錄片」既內容，好睇過 discovery！日本戰後既社會發展做背景，連世博同吉野家都不能倖免被捲入了，仲有矇面超人，瑪利奧兄弟同高達撐場！可惜有 d 字(英文字幕加有 d 日語英文)睇唔明，否則會更加過癮~ 我趕下場無睇埋片尾，原來參演既有好多動慢界名人！吉祥寺怪人，石川光久，樋口真嗣，無聽過？河森正治有聽過啦~ 多數都係同押井守合作過有交情既人。
吸引原因之二：
全套片係用真人數碼相+動畫拍成，就好似 d 活動紙板公仔咁，更妙既係佢用真人誇張化咁表現出動畫既效果，結果就變成呢套好特別既「動畫」。
有興趣可以上 official homepage 睇下，有 trailer，仲有片中出現過既一 d 用語簡介。
(當然...係日文啦)
立喰師列伝：http://www.tachiguishi.com/top.html
惡童
(TEKKONKINKREET)
| 導演: | 米高．艾里工斯 |
| 國家: | 日本 |
| 年份: | 2006 |
| 色彩: | 彩色 |
| 片長: | 111 分鐘 |
  |
揀睇呢套片本新係因為個故仔吸引，之前無咩特別期望。睇完之後，感覺係好似睇左一套村上春樹既動畫....發生係某個虛構城市，一對擁有特別能力既孤兒，黑道白道，超人殺手，黑與白，日與夜，貓與鼠，係光明與黑暗對立，定係黑暗中會有光明...？
最好自己睇完自己領會啦，我諗每個人感受都會唔同。
除左故事，畫面都做得好耀眼，用色對比鮮明，而且畫工好仔細。當日導演有到場講解，佢話佢來過香港多次，入面有不少場景都係取自香港，睇下又睇唔睇得出。
有機會要搵原著漫畫睇下。
Official homepage (jap): http://www.tekkon.net/index.html
下回：3/4 《沙灘上的女人》
沒有留言:
發佈留言